نئی دہلی : ریپبلک آف گنی سے دہلی ایئر پورٹ پہنچنے والی ایک خاتون سے تقریباً 15 کروڑ روپے کی کوکین برآمد ہونے کی تصدیق ہوئی ہے۔ دہلی کے آئی جی آئی ایئرپورٹ کے کسٹم حکام کے مطابق انہیں خاتون کے بارے میں ٹھوس معلومات ملی تھیں۔ ایئرپورٹ سے نکلتے وقت کسٹم افسران نے خاتون کو روک کر پوچھ گچھ کی تو خاتون نے انکشاف کیا کہ اس نے منشیات کے کیپسول نگل لیے تھے جس کے بعد خاتون کو فوری طور پر اسپتال میں داخل کرایا گیا۔
یہ بھی پڑھیں
حکام کے مطابق خاتون کی 24 گھنٹے نگرانی کی گئی اور اس کے پاس سے کل 82 کیپسول برآمد ہوئے جن میں سے 1024 گرام سفید پاؤڈر ملا۔ تحقیقات سے معلوم ہوا ہے کہ یہ سفید مادہ کوکین ہے۔ اس کوکین کی قیمت 15.36 کروڑ روپے بتائی گئی ہے۔ کوکین ضبط کر لی گئی ہے۔
خاتون مسافر کو اسمگلنگ کے الزام میں گرفتار کر لیا گیا ہے۔ اس کے ساتھ ہی ان کے خلاف این ڈی پی ایس ایکٹ 1985 کی دفعہ 8، سیکشن 21، سیکشن 23، سیکشن 29 اور سیکشن 43 (A) کے تحت مقدمہ درج کیا گیا ہے۔
دن کی نمایاں ویڈیو
ممبئی: گھاٹ کوپر علاقے میں عمارت میں آگ لگ گئی، 1 ہلاک، 3 زخمی