ادارہ شرعیہ پٹنہ کا بڑا اعلان، فضیلت اور تخصص فی الفقہ تک لیے جائیں گے داخلے، یہاں سے بھریں آن لائن فارم

ادارہ-شرعیہ

پٹنہ:کووڈ-19 کورونا وائرس کی وجہ سے جہاں تمام شعبہ ہائےحیات مفلوج ہوکر رہ گئے ہیں وہیں تعلیمی اداروں خاص کر مدارس اسلامیہ اس وبا سے بری طرح متاثر ہوئے ہیں،اب اِن مدارس کے سامنے سب سے بڑا مسئلہ جو درپیش ہے وہ یہ کہ اس بار تعلیمی سال کا آغاز کیسے کیا جائے۔ یہ بات واضح ہے بہار وجھارکھنڈ سے بڑی تعداد میں طلباء دوسری ریاستوں خاص کر اترپردیش میں تعلیم کی غرض سے ہرسال اسی ماہ میں عازم سفر ہوتے ہیں لیکن اس بار نا مساعد حالات کے پیش نظر اِن طلبا کے لیے یہ سفر ممکن نہیں اور ان کا تعلیم جاری رکھنا بڑا مسئلہ ہوگیا ہے، باہر جانا تو مشکل ہے ہی اور اگر کسی صورت سے چلے بھی جاتے تومعروف اداروں نے نیاداخلہ نہیں لینے کا اعلان کردیا ہے۔ جس کی وجہ سے طلباء کا ایک سال خراب ہوتانظرآرہا ہے۔
ایسے عالم میں ادارہ شرعیہ، پٹنہ نے اعدادیہ تافضیلت کے طلبہ کے لیے عام داخلے کااعلان کیا ہے ۔ سال گزشتہ بھی فضیلت تک کی تعلیم ہوئی تھی اور اب ان شاءاللہ یہ سلسلہ قائم رہے گا ۔ادراہ کا اپناتعلیمی بورڈ ہے اور ایک مطبوعہ جامع نصاب بھی۔ جو ’’جامع نصاب‘‘ کے نام سے منظرعام پہ آچکا ہے۔
ادارہ ’’الرضا‘‘ ادارہ شرعیہ کی مجلس منتظمہ کو صدہا مبارکباد پیش کرتا ہے کہ ایسے وقت میں جبکہ طلبائے بہار وجھارکھنڈ کے سامنے اپنی تعلیم کو جاری رکھ پانے کا بڑا مسئلہ درپیش تھا آپ نے یہ قابل تحسین اور جرات مندانہ قدم اٹھاکر ان کے لیے راحت کا بہت بڑا سامان فراہم کیا ہے۔لہٰذا جو طالب علم کسی بھی درجہ میں داخلہ کے خواہش مند ہوں وہ پہلے مرحلہ میں ادارہ کے ویب سائٹ http://www.edarasharia.com پہ جاکر اپنا آن لائن فارم بھردیں۔