البرکات انسٹی ٹیوٹ آف ایجوکیشن، علی گڑھ میں چار روزہ آن لائن پروگرام کا انعقاد
گھروں میں محدود رہنے کے دوران جدید ٹیکنالوجی کا استعمال کیسے کریں!
(علی گڑھ 21جون ،ضیاء الرحمن) کورونا وائرس کی وباء پھیلنے کی وجہ سے دنیا بھر میں تمام لوگ گھروں میں محدود ہوگئے ہیں، اس موقع پر اسکول، کالج، یونیورسٹی یا دیگر مقاصد کے لیے جدید ٹیکنالوجی استعمال کرنا بہت اہم ہوچکا ہے اسی بنا پر البرکات انسٹی ٹیوٹ آف ایجوکیشن، علی گڑھ کی جانب سے آن لائن چار روزہ پروگرام منعقد کیا گیا جس میں کثیر تعداد میںTeachrs, Students, Parents نے شرکت کی۔
چار روزہ آن لائن پروگرام میں جدید ٹیکنالوجی استعمال کرنے کے فوائد اور اس کا طریقہ بتایا گیا کیونکہ کچھ لوگ ایسے بھی ہیں جنہوں نے جدید ٹیکنالوجی کا استعمال ابھی تک نہیں کیا ہے جس کی وجہ سے انہیں ٹیکنالوجی کے ذریعہ اسکول، کالج، یونیورسٹی، اور گھر کا کام کرنے میں کافی پریشانی ہورہی ہے جس کی وجہ سے ڈپریشن، ذہنی تناؤ کا شکار ہورہے ہیں اسی پریشانی کو دور کرنے کے لیے ڈاکٹر ثمینہ فاضلی صاحبہ ( پرنسپل البرکات انسٹی ٹیوٹ آف ایجوکیشن علی گڑھ) کی نگرانی اور ڈاکٹر صبا انیس صاحبہ (اسسٹنٹ پروفیسر البرکات انسٹی ٹیوٹ آف ایجوکیشن علی گڑھ) کی نظامت میں چار روزہ آن لائن پروگرام البرکات انسٹی ٹیوٹ آف ایجوکیشن علی گڑھ میں منعقد کیا گیا جس میں ہندوستان کے مختلف ریاستوں سے 760 لوگوں نے شرکت کی۔
سید محمد امان میاں قادری مدظلہ العالی (ڈائریکٹر البرکات اسلامک ریسرچ اینڈ ٹریننگ انسٹی ٹیوٹ علی گڑھ) نے تمام شرکاء پروگرام کا تہ دل سے استقبال کیا اور اس پروگرام سے ہونے والے فوائد کی طرف بھی اشارہ کیا۔ انہوں نے البرکات انسٹی ٹیوٹ آف ایجوکیشن کی پرنسپل ڈاکٹر ثمینہ فاضلی صاحبہ اور پوری ٹیم کا شکریہ ادا کرتے ہوئے کہا کہ لاک ڈاؤن کے دوران یہ اس ادارے کی منعقد کیا جانے والا دوسرا پروگرام ہے۔
مزید انہوں نے کہا کہ پہلا پروگرام نہایت ہی کامیاب طریقے سے سرانجام پایا اور مختلف شعبہ سے لوگوں نے شرکت کی، انہوں نے کہا کہ جو حضرات پورا پروگرام کامیابی کے ساتھ مکمل کریں گے انہیں سرٹیفکیٹ سے نوازا جائے گا، انہوں نے بتایا کہ پروگرام کے کنوینر ڈاکٹر صبا انیس صاحبہ ہیں جو اس شعبہ میں اسسٹنٹ پروفیسر کی حیثیت سے خدمات انجام دے رہی ہیں۔ اس چار روزہ پروگرام کا عنوان” Technostress of involved in work from home mod”
آخیر میں عالیجناب ڈاکٹر فہیم عثمان صدیقی (کوآرڈینیٹر البرکات ایجوکیشنل سوسائٹی، علی گڑھ) اور عالیجناب ڈاکٹر احمد مجتبیٰ صدیقی صاحب (جوائنٹ سیکریٹری البرکات ایجوکیشنل سوسائٹی علی گڑھ) نے پروگرام کی کامیابی اور سب کے روشن مستقبل کے لیے دعا کی اور بالخصوص ان حضرات نے آگرہ یونیورسٹی کے وائس چانسلر پروفیسر متل صاحب کا شکریہ ادا کیا۔
پروگرام مکمل ہونے کے بعد تمام شرکاء نےخوب تعریفیں کیں۔
زیر اہتمام:
البرکات انسٹی ٹیوٹ آف ایجوکیشن، علی گڑھ۔