ادھو ٹھاکرے دھڑے کے سینئر لیڈر سنجے راوت کے خلاف ایف آئی آر درج

یہ مقدمہ وزیر اعلی ایکناتھ شندے کے بیٹے اور رکن پارلیمنٹ شریکانت شندے کے قتل کی سازش کا جھوٹا الزام لگا کر ہتک عزت کی شکایت پر درج کیا گیا ہے۔ کپور واڑی پولیس اسٹیشن نے سنجے راوت کے خلاف آئی پی سی کی دفعہ 211,153A 500,501,504,505(2) کے تحت مقدمہ درج کیا ہے۔ حال ہی میں، شیوسینا (ادھو بالا صاحب ٹھاکرے) کے رہنما سنجے راوت نے اتوار کو دعویٰ کیا کہ شیو سینا کے نام اور انتخابی نشان ‘کمان اور تیر’ کو "خریدنے” کے لیے "2000 کروڑ روپے کا سودا” کیا گیا ہے۔

اس سے قبل، شیوسینا کے رکن پارلیمنٹ سنجے راوت نے ای ڈی کے ذریعہ درج منی لانڈرنگ کیس کے سلسلے میں تین ماہ سے زیادہ جیل میں گزارے تھے، اور نومبر میں ضمانت ملنے کے بعد رہا ہوئے تھے۔ تاہم، عدالت نے سنجے راوت کو ‘غیر قانونی’ طریقے سے گرفتار کرنے پر ای ڈی کی سرزنش کی۔ مہاراشٹرا سے لے کر جھارکھنڈ سے لے کر دہلی تک، کئی ریاستوں میں اپوزیشن لیڈر بی جے پی پر ای ڈی اور سی بی آئی جیسی مرکزی ایجنسیوں کا غلط استعمال کرنے کا الزام لگا رہے ہیں۔

یہ بھی پڑھیں: اکھلیش یادو شیروانی پہن کر اتر پردیش اسمبلی کیوں پہنچے؟ یہاں جانتے ہیں

یہ بھی پڑھیں: سی ایم یوگی کے خلاف دوبارہ درخواست دائر کرنے پر ایک لاکھ روپے جرمانہ