بنگال میں ایک بار پھر وندے بھارت ٹرین پر پتھراؤ، گزشتہ 2 دنوں میں دوسرا واقعہ

نئی دہلی: ہاوڑہ اور نیو جلپائی گوڑی کو جوڑنے والی وندے بھارت ایکسپریس کو جھنڈی دکھائے جانے کے کچھ ہی دن بعد مغربی بنگال میں گزشتہ 2 دنوں میں ٹرین پر پتھراؤ کے 2 واقعات ہوئے ہیں، تاہم اس واقعے میں کوئی زخمی نہیں ہوا۔ مرکزی دروازے کا صرف ایک شیشہ متاثر ہوا۔ ٹرین وقت پر اپنی منزل پر پہنچ گئی۔ ریاست میں 24 گھنٹے کے اندر اس ٹرین پر پتھراؤ کا یہ دوسرا واقعہ تھا۔ اس واقعہ کو لے کر ریاست میں حکمراں جماعت ٹی ایم سی اور اہم اپوزیشن پارٹی کے الزامات اور جوابی الزامات دیکھے جا رہے ہیں۔