تلنگانہ میں حکومت اور گورنر کے درمیان ڈیڈ لاک پھر کھل کر سامنے آیا، سی ایم نے راج بھون میں منعقدہ پروگرام میں شرکت نہیں کی

تاہم حکمراں بی آر ایس نے ان الزامات کی تردید کرتے ہوئے کہا کہ گورنر بننے سے پہلے سندرراجن تمل ناڈو میں بھارتیہ جنتا پارٹی (بی جے پی) کے صدر تھے۔ جب قانونی ماہر اور سابق سنٹرل انفارمیشن کمشنر ایم سریدھر اچاریو سے پوچھا گیا کہ یوم جمہوریہ پر اس طرح کی تقریبات اور اس طرح کے دیگر پروگراموں میں وزیر اعلیٰ کی شرکت کے بارے میں آئین کیا کہتا ہے، تو انہوں نے کہا کہ یہ کنونشن ہیں، جن پر عمل کیا جانا ہے۔ ایسا کرنا چاہئے اور تقریب کے وقار کو برقرار رکھنا چاہئے۔ پچھلے سال بھی اس وقت ایک تنازعہ کھڑا ہوا تھا جب اسمبلی میں گورنر کا روایتی خطاب نہیں ہوا تھا۔

سندرراجن نے چیف منسٹر کے راج بھون میں ان کے ذریعہ منعقدہ روایتی ایٹ ہوم تقریب میں شرکت نہ کرنے پر مایوسی کا اظہار کیا تھا۔ گورنر نے گزشتہ سال شبہ ظاہر کیا تھا کہ ان کے فون ٹیپ کیے جا رہے ہیں۔

دریں اثناء چیف منسٹر راؤ نے یہاں اپنے کیمپ آفس اور سرکاری رہائش گاہ پرگتی بھون میں قومی پرچم لہرایا اور مہاتما گاندھی اور بی آر امبیڈکر کو خراج عقیدت پیش کیا۔ یہ اطلاع ایک سرکاری ریلیز میں دی گئی۔