جے این یو انتظامیہ نے بی بی سی کی دستاویزی فلم کو اسکرین ہونے سے روکنے کے لیے طلبہ یونین کے دفتر کا بجلی اور انٹرنیٹ کنکشن منقطع کر دیا

جے این یو انتظامیہ نے طلبہ یونین کو ہدایت دی تھی کہ اگر دستاویزی فلم دکھائی گئی تو ان کے خلاف تادیبی کارروائی کی جائے گی۔ اس پر طلبہ یونین نے جے این یو انتظامیہ سے سوال کیا تھا کہ دستاویزی فلم دکھا کر وہ یونیورسٹی کے کن اصولوں کی خلاف ورزی کر رہے ہیں؟ طلبہ یونین نے کہا ہے کہ وہ اس دستاویزی فلم کو دکھا کر فرقہ وارانہ ہم آہنگی کو خراب نہیں کر رہے ہیں۔

مرکزی حکومت نے جمعہ کو بی بی سی کی ایک دستاویزی فلم کو شیئر کرنے والے ٹویٹس کو روکنے کا حکم دیا ہے جس میں پی ایم مودی پر تنقید کی گئی ہے۔ جن ٹوئٹس کے ذریعے بی بی سی کی دستاویزی فلم کا یوٹیوب لنک شیئر کیا گیا ہے انہیں بھی بلاک کر دیا گیا ہے۔ وزارت خارجہ نے بی بی سی کی اس دستاویزی فلم کو ایسے پروپیگنڈے کا حصہ قرار دیا تھا جو نوآبادیاتی ذہنیت کی عکاسی کرتا ہے۔ اپوزیشن لیڈروں نے اس معاملے پر مرکز کو سخت نشانہ بنایا ہے۔ جب نریندر مودی گجرات کے وزیر اعلیٰ تھے تو وہاں زبردست فسادات ہوئے۔ اہم بات یہ ہے کہ گجرات فسادات کی تحقیقات کے لیے سپریم کورٹ کی ہدایت پر تشکیل دی گئی کمیٹی نے نریندر مودی کو کلین چٹ دے دی تھی۔ اس معاملے میں کمیٹی کو مودی کے خلاف کوئی ثبوت نہیں ملا۔

یہ بھی پڑھیں-