نئی دہلی: دہلی-این سی آر میں منگل کی رات آنے والے زلزلے کی وجہ سے کسی جان ومال کے نقصان کی کوئی اطلاع نہیں ہے۔ تاہم زلزلے کے جھٹکوں کے بعد کچھ عمارتوں کو نقصان پہنچنے کی خبر ہے۔ زلزلے کے بعد دہلی فائر بریگیڈ کے محکمے کو 2 مقامات سے مدد کے لیے کالیں موصول ہوئیں۔ جامعہ نگر اور شکرپور کے علاقے میں کچھ عمارتوں کے جھکنے کی اطلاع ہے۔
یہ بھی پڑھیں
ریکٹر اسکیل پر زلزلے کی شدت 6.6 ریکارڈ کی گئی۔ زلزلے کا مرکز فیض آباد، افغانستان سے 133 کلومیٹر جنوب مشرق میں تھا۔ زلزلے کا مرکز زمین سے 156 کلومیٹر کی گہرائی میں تھا۔
بھارت کے علاوہ افغانستان، پاکستان، قازقستان اور چین میں بھی زلزلے کے جھٹکے محسوس کیے گئے۔ ابھی تک زلزلے سے جانی و مالی نقصان کی کوئی خبر نہیں ہے۔ پاکستان کے اسلام آباد، لاہور اور پشاور میں بھی زلزلے کے جھٹکے محسوس کیے گئے ہیں۔ یہاں بھی لوگ گھروں سے باہر نکل آئے۔
اتراکھنڈ کے پتھورا گڑھ میں پیر کی صبح 5.30 بجے زلزلے کے جھٹکے محسوس کیے گئے۔ نیشنل سیسمولوجی سینٹر کے مطابق زلزلے کی شدت ریکٹر اسکیل پر 3.1 ریکارڈ کی گئی۔ اس سے قبل گجرات کے کچے ضلع میں پیر کی صبح 3.2 شدت کا زلزلہ آیا تھا۔ ہماچل پردیش کے چمبا ضلع میں صبح زلزلے کے جھٹکے محسوس کیے گئے۔ تاہم تینوں مقامات سے جان و مال کے نقصان کی کوئی خبر نہیں ہے۔
یہ بھی پڑھیں-