منوج پانڈے نے کہا کہ ملک کی سلامتی نہ تو آؤٹ سورس ہو سکتی ہے اور نہ ہی دوسروں کی سخاوت پر منحصر ہے

نئی دہلی: آرمی چیف جنرل منوج پانڈے نے بدھ کے روز کہا کہ کوئی بھی ملک جدید ترین "اسٹیٹ آف دی آرٹ” ٹیکنالوجیز شیئر کرنے کے لیے تیار نہیں ہے۔ انہوں نے کہا کہ اس سے یہ واضح ہوتا ہے کہ ملک کی سلامتی کو نہ تو ‘آؤٹ سورس’ کیا جا سکتا ہے اور نہ ہی دوسروں کی سخاوت پر انحصار کیا جا سکتا ہے۔ آرمی چیف مہاراشٹر کے شہر پونے میں آرمی انسٹی ٹیوٹ آف ٹیکنالوجی کے یوم تاسیس کے موقع پر خطاب کر رہے تھے۔ انہوں نے کہا کہ روس یوکرین تنازع سے کچھ اہم حقائق سامنے آئے ہیں۔ ان میں غیر متناسب جنگ کے اثرات، معلوماتی جنگ کی طاقت، ڈیجیٹل طاقت، معاشی طاقت کو بطور ہتھیار استعمال کرنا وہ کچھ شعبے ہیں جو تکنیکی استعداد کی وجہ سے جنگ میں اہم کردار ادا کرتے ہوئے دیکھے گئے ہیں۔