چنڈی گڑھ: پنجاب کے شہر ترن تارن میں پولیس اسٹیشن پر راکٹ لانچر حملے کے الزام میں پولیس نے چار افراد کو حراست میں لے لیا ہے۔ انسپکٹر جنرل آف پولیس سکھچین سنگھ گل نے اس کی جانکاری دی۔ پولیس افسر نے دعویٰ کیا کہ ان ملزمان کے سرحد پار سے روابط ہیں۔خبر رساں ایجنسی اے این آئی سے بات کرتے ہوئے آئی جی پی نے کہا کہ پولیس نے مشتبہ شخص کی شناخت کر لی ہے اور حملہ کرنے والے دو اور مشتبہ افراد کو حراست میں لیا جائے گا۔
یہ بھی پڑھیں
آپ کو بتاتے چلیں کہ 10 دسمبر کو پنجاب کے ترن تارن میں پولیس اسٹیشن پر کم شدت کا دھماکہ کیا گیا تھا۔ پولیس نے کہا کہ یہ ایک راکٹ پروپیلڈ گرینیڈ (RPG) سے کیا گیا۔ اس معاملے میں پولیس نے غیر قانونی سرگرمیاں (روک تھام) ایکٹ کے تحت مقدمہ درج کیا تھا۔اس دوران اسٹیشن ہاؤس آفیسر (ایس ایچ او) پرکاش سنگھ کو سرہالی کلاں تھانے سے ہٹا کر ان کی جگہ سکھبیر سنگھ کو مقرر کیا گیا تھا۔
حملے کے بعد، نیشنل انویسٹی گیشن ایجنسی (این آئی اے) کی ایک ٹیم ہفتے کی شام ترن تارن کے سرہالی کلاں پولیس اسٹیشن پہنچی اور اس واقعے سے ‘دہشت گردانہ تعلق’ کا اشارہ دیا۔ سکھس فار جسٹس (SFJ)، ایک خالصتان تنظیم نے ہفتے کے روز اس حملے کی ذمہ داری قبول کی تھی۔ پنجاب کے ڈی جی پی گورو یادو نے کہا کہ پولیس اس دعوے کی تحقیقات کرے گی۔
یہ بھی پڑھیں:
دن کی نمایاں ویڈیو
اروناچل: 9 دسمبر کو ایل اے سی پر ہندوستانی اور چینی فوجیوں کے درمیان جھڑپ