لکھنؤ، کانپور، میرٹھ میں بارش کی وجہ سے اسکول بند

لکھنؤ: راجدھانی لکھنؤ سمیت اتر پردیش کے کئی اضلاع میں کل بھاری بارش کی پیش گوئی کے سبب اسکول بند رہیں گے۔ جن اضلاع میں اسکول بند رہیں گے وہ ہیں نوئیڈا، لکھنؤ، کانپور، علی گڑھ، میرٹھ اور ہاپوڑ۔

اسکولوں سے کہا گیا ہے کہ وہ تمام والدین اور طلباء کو متعلقہ واٹس ایپ گروپس کے ذریعے مطلع کریں کہ تیز بارش کی وجہ سے اسکول بند رہیں گے۔

اتر پردیش کے کئی اضلاع میں گزشتہ 24 گھنٹوں کے دوران شدید بارش ہوئی ہے۔ محکمہ موسمیات نے بارشوں کا سلسلہ کل بھی جاری رہنے کی پیش گوئی کی ہے۔