مدھیہ پردیش میں کتے کے حملے میں ایک بچی کی موت ہو گئی۔ (فائل فوٹو)
کھرگون (ایم پی): مدھیہ پردیش کے کھرگون ضلع میں جمعہ کو آوارہ کتوں کے حملے میں ایک پانچ سالہ بچی کی موت ہو گئی۔ یہ واقعہ ضلع کے بیدیا تھانہ علاقہ کے بکاوا گاؤں کا ہے۔
جمعہ کی دوپہر سڑک پر سونیا نامی لڑکی پر نصف درجن سے زیادہ کتوں نے حملہ کر دیا۔ ایک پولیس افسر نے بتایا کہ واقعہ کے وقت لڑکی اکیلی تھی، اس کے والد ایک مزدور ہیں، جو اس وقت کام کر رہے تھے۔
دوسری جانب سول سرجن انار سنگھ چوہان نے بتایا کہ زخمی لڑکی کو بیدیا کے سرکاری اسپتال اور بعد میں ضلع اسپتال لایا گیا، لیکن وہ زخموں کی تاب نہ لاتے ہوئے چل بسی۔