آٹھواں عرس واجدی و حضور مفسر اعظم ہند سیمینار اختتام پزیر

حضرت امین شریعت ثالث مفتی عبد الواجد قادری نیر رضوی علیہ الرحمہ کا آٹھواں سالانہ عرس مقدس ۳۰؍ اپریل ۲۰۲۶ء بروز جمعرات کو ان کے ہی قائم کردہ ادارہ جامعہ واجدیہ، موسیٰ پور ترونی، قلعہ گھاٹ، واجد پور دربھنگہ میں منعقد ہوا اس موقع پر دن میں صبح ۱۰؍ بجے سے ان کے پیر و مرشد، نبیرۂ اعلی حضرت، حضور مفسر اعظم ہند علامہ ابراہیم رضا خان قادری معروف بہ جیلانی میاں علیہ الرحمہ کے حیات و خدمات پر ایک ملکی سیمینار بنام ”حضور مفسر اعظم ہند سیمینار“ کا انعقاد کیا گیا جس کی صدارت امین شریعت رابع مفتی عبد المنان کلیمی اور قیادت جانشین امین ثالث مفتی فیضان الرحمن سبحانی ازہری نے کیا جب کہ نظامت مولانا ریحان رضا انجم اور نگرانی ڈاکٹر امجد رضا امجد کر رہے تھے۔ اس سیمینار کے کنویر مولانا محمد فیضان رضا علیمی تھے جب کہ مقالہ پیش کرنے والوں میں ڈاکٹر افضل حسین مصباحی وارنسی، مولانا قمر الزماں مصباحی مظفرپور، ڈاکٹر صابر رضا رہبر مصباحی مدھے پورہ، مفتی ولی اللہ قادری چھپرہ، مفتی اظہار النبی مصباحی نیپال، مولانا حاتم رضا مرکزی رضا باغ گنگٹی، مولانا کونین رضا مصباحی رضا باغ گنگٹی، مفتی شفاء المصطفی مصباحی سیتامڑھی، مولانا فقیہ القمر نعمانی ثقافی نانپور، مولانا پھول محمد نعمت نیپال، مولانا فرقان فیضی نیپال، مفتی معین الدین برکاتی کواری، مولانا ارشد رضا قمر اخلاقی کھرساہا، ڈاکٹر ممتاز احمد رضوی پٹنہ ، ڈاکٹر حشمت رضا انیسی سیوان، وغیرہ علما کرام موجود تھے ان میں سے اکثر علما نے اپنے مقالات پیش کیے سیمیار کا آغاز قاری قیس رضا کی تلاوت سے ہوا جب کہ حمد باری تعالیٰ کے لیے جناب خالد رضا قادری و نعت شریف جناب جابر اختر سلطان پوری نے پیش کیا ہے۔ اس کے بعد ناظم نے خطبۂ استقبالیہ کے لیے سیمینار کے کنویر مولانا محمد فیضان رضا علیمی کو بلایا انہوں نے اپنا استقبالیہ پیش کیا ان کے بعد مقالہ نگار علما نے اپنے مقالہ کی تلخیص پیش کی پھر ڈاکٹر امجد رضا امجد نے سارے مقالے پر اپنا قیمتی تأثر پیش کیا ان کے بعد مفتی فیضان الرحمن سبحانی نے جملہ شرکاے سیمینار کا شکریہ ادا کیا اسی درمیان جملہ شرکا کو خانقاہِ واجدیہ کے جانب سے ہینڈ بیگ جس میں پانچ کتابوں کا سیٹ تھا تحفتاً دیا گیا اور مقالہ نگار علما کو ایک سند شرکت سے بھی سرفراز کیا گیا۔ بعدہ صدرِ سیمینار مفتی عبد المنان کلیمی صاحب خطبۂ صدارت کے طور چند کلمات ارشاد فرمائے۔ پھر صلاة و سلام ہوا اور سب لوگ حضور امین شریعت کے مرقد انور کے پاس آگئے جہاں بزم درود خوانی، قل شریف اور چادر و گل پیشی کی گئی اخیر میں جانشین امین شریعت قاضی شریعت مفتی فیضان الرحمن سبحانی کی رقت انگیز دعاؤں پر دن کا پروگرام اختتام پزیر ہوا۔

مغرب بعد عرس واجدی کا اجلاس عام منعقد ہوا جس کا آغاز قاری قیس رضا رضوی اور مولانا ارمان ثفاقی کی تلاوت سے ہوا بعدہ جامعہ کے ناظم تعلیمات مولانا محمد فیضان رضا علیمی نے چند نعت خواں حضرات سے نعت خوانی کروائی اس پروگرام کی نظامت مولانا محمد فیضان رضا علیمی، مولانا فرقان فیضی، مولانا پھول محمد نعمت نیپالی اور مولانا ریحان رضا انجم نے انجام دی جبکہ خطابت مفتی شفاء المصطفی مصباحی، مولانا نوشاد مصباحی، مولانا کونین رضا مصباحی، مولانا قمر الزمان مصباحی، ڈاکٹر امجد رضا امجد، حضور علامہ عمران رضا خان سمنانی میاں، مفتی عبد المنان کلیمی اور مولانا سید نور الامین مصباحی سمرقندی نے پیش کی۔ جبکہ نعت و منقبت پیش کرنے والوں میں حافظ قیس رضا رضوی، حافظ تاج الدین عطاری، حافظ ایوب عطاری، مولانا ارمان ثقافی، مولانا حاتم رضا مرکزی، محترم ریاض خان دربھنگوی، قاری رضوان احمد دربھنگوی، محترم حیدر رضا نینا گھاٹ، مولانا صالح ازہری کیرلا وغیرہ تھے۔

ڈاکٹر امجد رضا امجد نے اپنے خطاب میں حضور مفسر اعظم ہند اور حضور امین شریعت کے درمیان گہرے تعلق کو اجاگر کیا اور بریلی شریف کے فیضان کا بڑے اچھوتے انداز میں ذکر کیا جب کہ حضور سمنانی میاں صاحب نے حضور امین شریعت کو حضور مفسر اعظم ہند کی امانت و کرامت اور فخرِ اہل سنت فرمایا ساتھ ہی یہ بھی فرمایا کہ حضرت امین شریعت علیہ الرحمہ کو یہ خصوصیت حاصل ہے کہ حضور مفسر اعظم ہند پر پہلی سوانح حیات انہوں نے لکھی تھی اور آج شہزادۂ امین شریعت کو یہ اعزاز حاصل ہوا کہ انہوں نے حضور مفسر اعظم ہند پر پہلا شاندار سیمینار کروایا، وہیں مفتی کلیمی صاحب نے جانشین امین شریعت پر حضور امین شریعت کے فیضان کرم کا ذکر کیا اور فرمایا شریعت، طریقت، حقیقت اور معرفت یہ سب کچھ حضور امین شریعت نے اپنے پیر و مرشد حضور مفسر اعظم ہند سے حاصل کیا اور یہ اپنے والد سے حاصل کر کے آج ہم سب کے درمیان فیضان مفسر اعظم و امین شریعت کی بہاریں بکھیر رہے ہیں۔ حضرت سید نور الامین صاحب مصباحی ولی عہد خانقاہ سمرقندیہ نے سبھی لوگوں کو تاکیدی طور پر مسلک اعلی حضرت سے جڑے رہنے اور حضور امین شریعت کے مشن کو فروغ دینے کی نصیحت فرمائی۔

اس اجلاس میں جامعہ واجدیہ سے حفظ مکمل کرنے والے تین طالب علم حافظ نہال رضا، حافظ مدثر رضا اور حافظ ساجد رضا کی دستار ہوئی جنہیں جبہ و دستار کے ساتھ کنز الایمان شریف دیا گیا۔

ہر دو پروگرام کی نگرانی کر رہے جامعہ واجدیہ کے پرسنپل مولانا محبوب اختر مصباحی نے بتایا کہ اس کے پروگرام میں سیتامڑھی، حاجی پور، ویشالی،مظفرپور , مدھو بنی، سمستی پور، پٹنہ, گیا, کلکتہ کے علاوہ نیپال سے علما و زائرین نے شرکت کی۔ پروگرام میں شرکت کرنے والے علما میں مولانا افتخار احمد ثقافی، مولانا اسلم پرویز برکاتی، مولانا فقیہ القمر نعمانی، مولانا اسلم برکاتی، مولانا عبد اللہ رضوی، مولانا اطہر علی خان، مولانا جمال انور، حافظ فیصل برکاتی، مولانا محمد رضا فاروقی، مولانا عفان رضا ازہری، مولانا نظام الدین مصباحی، مولانا عبد العلام مصباحی، مولانا رضاء المصطفی مصباحی، مفتی پھول محمد مصباحی، قاری تنویر عرشی، مولانا شمیم ثقافی، قاری عرفان رضا حلیمی ، قاری مطیع الرحمن اشرفی، مفتی نسیم القادری مصباحی، مولانا ممتاز عالم مصباحی، مولانا محمود عالم مصباحی، مولانا بشارت کریم، صوفی عبد القادر خان براہیمی، قاری افروز رضوی ،مفتی قطب الدین مصباحی ،مولانا وارث علی رحمانی ،حافظ نیاز الدین نوری ، حافظ حامد رضا ، مولانا امن نواز، مداح رسول امام راھی، جابر اختر نوری، حافظ امام الدین، حافظ رضوان احمد حافظ تاج الدین عطاری ، حافظ محمد ایوب عطار ، ریاض خان قادری،حافظ ذاکر خوشتر ،مولانا سھیل رضا وغیرہ تھے۔ پروگرام کا اختتام حضور سمنانی میاں صاحب بریلی شریف کی دعا پر ہوا بعدہ لگنر واجدی تمام علما و عوام کے درمیان تقسیم ہوا۔

 

شائع کردہ: الرضا نیٹ ورک