لکھنؤ ڈسٹرکٹ کورٹ نے آر ایس ایس سربراہ موہن بھاگوت کے خلاف دائر نظر ثانی کی عرضی کو مسترد کر دیا۔

موریہ نے اس نظرثانی درخواست کے ذریعے سنگھ کے سربراہ بھاگوت اور دیگر ملزمان کے خلاف دائر شکایت کو منسوخ کرنے کے چیف جوڈیشل مجسٹریٹ کی عدالت کے حکم کو چیلنج کیا تھا۔ تاہم ایڈیشنل ڈسٹرکٹ کورٹ نے اس درخواست کو بھی مسترد کر دیا ہے۔

درخواست گزار موریہ نے الزام لگایا تھا کہ راشٹریہ سویم سیوک سنگھ کے سربراہ موہن بھاگوت اور دیگر ملزمان نے سال 2016 میں بھگوان بدھ اور شہنشاہ اشوک کے پیروکاروں کے خلاف مبینہ طور پر قابل اعتراض تبصرہ کیا تھا اور راجستھان کے ایک ہندی روزنامہ نے یہ خبر شائع کی تھی۔

موریہ نے کہا کہ اس نے واٹس ایپ پر اس خبر کی کلپنگ دیکھی ہے اور اسے پڑھ کر ان کے جذبات مجروح ہوئے ہیں۔