شردھا قتل کیس: ملزم آفتاب امین پونا والا کا پولی گراف ٹیسٹ آج ہوگا

نئی دہلی: شردھا قتل کیس: شردھا قتل کیس کے ملزم آفتاب پونا والا کا پولی گراف ٹیسٹ آج پھر کرایا جا رہا ہے۔ پولیس صبح سویرے آفتاب کو ٹیسٹ کے لیے ایف ایس ایل لیب لے آئی۔ اس سے قبل بھی آفتاب کا پولی گراف ٹیسٹ ہو چکا ہے۔ جس کے تجزیے کے بعد فرانزک ٹیم نے آفتاب سے دوبارہ پوچھ گچھ کا فیصلہ کیا تھا۔ پولی گراف ٹیسٹ کے بعد ملزم کا نارکو ٹیسٹ بھی ہونا ہے۔ دوسری جانب تہاڑ جیل حکام کے مطابق آفتاب کو تہاڑ کی جیل نمبر 4 میں رکھا گیا ہے اور انہیں صحت کا کوئی مسئلہ نہیں ہے۔ آفتاب کا ہیلتھ چیک اپ بھی کرایا گیا ہے۔