راجستھان کے کانگریس انچارج سکھجندر رندھاوا، چھتیس گڑھ کی ذمہ داری سلجا کو سونپی گئی

سکھجندر سنگھ رندھاوا کو راجستھان کا کانگریس انچارج بنایا گیا ہے۔

نئی دہلی : کانگریس پارٹی نے پنجاب کے سابق نائب وزیر اعلیٰ سکھجندر سنگھ رندھاوا کو راجستھان کا پارٹی انچارج بنایا ہے۔ اجے ماکن نے حال ہی میں راجستھان کے انچارج کے عہدے سے استعفیٰ دیا تھا، ان کی جگہ رندھاوا کو مقرر کیا گیا ہے۔ سابق مرکزی وزیر کماری سیلجا کو پیر کو پارٹی کا جنرل سکریٹری اور چھتیس گڑھ کا انچارج مقرر کیا گیا، جب کہ راجیہ سبھا کے رکن شکتی سنگھ گوہل کو ہریانہ کا پارٹی انچارج بنایا گیا۔ کانگریس جنرل سکریٹری کے سی وینوگوپال کی طرف سے جاری کردہ ایک ریلیز کے مطابق پارٹی صدر ملکارجن کھرگے نے یہ تقرریاں کی ہیں۔ ہریانہ پردیش کانگریس کمیٹی کے سابق صدر سیلجا کو پی ایل پونیا کی جگہ چھتیس گڑھ کا انچارج بنایا گیا ہے۔اکھلیش پرساد سنگھ کو بہار پردیش کانگریس کا صدر بنایا گیا ہے۔