ایم پی: دل کا دورہ پڑنے سے 12 سالہ طالب علم کی موت، واقعہ اسکول سے گھر واپس آتے ہوئے پیش آیا

سکول بس میں طالب علم جاں بحق (نمائندہ تصویر)

نئی دہلی: مدھیہ پردیش کے بھنڈ سے ایک حیران کن واقعہ سامنے آیا ہے۔ یہاں اسکول سے گھر لوٹنے والے 12 سالہ لڑکے کی دل کا دورہ پڑنے سے موت ہوگئی۔ واقعہ جمعہ کا ہے۔ پولیس کے مطابق اسکول سے نکلنے سے کچھ دیر قبل متاثرہ طالب علم نے اپنے بھائی کے ساتھ کھانا کھایا تھا۔ اس کے بعد وہ گھر واپس جانے کے لیے اسکول بس میں سوار ہوا۔ اسکول میں بیٹھنے کے کچھ ہی دیر بعد طالب علم اپنی سیٹ سے گر گیا۔ بس میں موجود عملے نے فوری طور پر اسکول انتظامیہ کو اس کی اطلاع دی۔ اس کے بعد بچے کو قریبی اسپتال میں داخل کرایا گیا۔ جہاں ڈاکٹروں کی ٹیم نے اسے مردہ قرار دے دیا۔ ڈاکٹروں کے مطابق یہ دل کے دورے کے اب تک کے سب سے کم عمر کیسز میں سے ایک ہے۔