علی گڑھ میں بھی جوشی مٹھ جیسی دراڑیں، درجنوں مکانات تباہ

مقامی لوگوں کا کہنا ہے کہ کچھ گھروں میں دراڑیں نمودار ہونے کے بعد وہ دہشت کی زندگی گزار رہے ہیں۔

علی گڑھ: اتراکھنڈ کے جوشی مٹھ علاقے میں زمین گرنے کے واقعات کے درمیان علی گڑھ کے کنواری گنج علاقے میں کچھ گھروں میں اچانک دراڑ پڑنے کی خبر ہے۔ ان شگافوں کی وجہ سے مقامی لوگوں میں خوف و ہراس کا ماحول ہے۔ ایک مقامی نے بتایا کہ ہمارے کچھ گھروں میں پچھلے کئی دنوں سے دراڑیں پڑ گئی ہیں۔ جس کی وجہ سے ہم خوف و ہراس کی زندگی گزارنے پر مجبور ہیں۔ ہم نے اس بارے میں شکایت بھی کی ہے لیکن میونسپل حکام کوئی ٹھوس کارروائی نہیں کررہے ہیں اور صرف یقین دہانیاں کررہے ہیں۔ ہمیں ڈر ہے کہ یہ گھر گر جائے۔