انسانی اسمگلنگ کے ملزم سنترو روی کو کرناٹک پولیس نے گجرات سے گرفتار کیا ہے۔

علامتی تصویر

میسور: انسانی اسمگلنگ کے ملزم کے ایس منجوناتھ عرف ‘سنترو’ روی کو گجرات میں گرفتار کیا گیا ہے۔ پولیس نے جمعہ کو یہ جانکاری دی۔ روی کی گرفتاری اس کی بیوی کی شکایت کی بنیاد پر کی گئی ہے۔ شکایت میں خاتون نے کہا کہ اسے نشہ آور چیز دی گئی، عصمت دری کی گئی اور زبردستی شادی کی گئی۔ ایڈیشنل ڈائرکٹر جنرل آف پولیس (لا اینڈ آرڈر) آلوک کمار نے کہا، “اسے آج گجرات کے احمد آباد سے گرفتار کیا گیا۔ ہماری ٹیم اسے کرناٹک اور ملک کے دیگر حصوں میں تلاش کر رہی تھی۔ میسور پولیس کمشنر رمیش بھانوٹ کی قیادت میں سات آٹھ ٹیمیں تشکیل دی گئیں اور انہیں کیرالہ، تلنگانہ اور مہاراشٹرا بھیجا گیا۔