ہندوستانی جمہوریت اور اس کے اداروں کی کامیابی سے کچھ لوگوں کو تکلیف پہنچ رہی ہے: پی ایم مودی

وزیر اعظم مودی نے کہا، "دنیا کے معروف ماہر اقتصادیات، تجزیہ کار، مفکرین ایک آواز میں کہہ رہے ہیں کہ یہ ہندوستان کا وقت ہے۔” انہوں نے کہا کہ تمام حکومتوں نے اپنی صلاحیت کے مطابق کام کیا، ہم نئے نتائج چاہتے تھے اور ہم نے مختلف رفتار اور پیمانے پر کام کیا۔

پی ایم مودی نے کہا کہ، "بینک کھاتوں میں 2.5 لاکھ کروڑ روپے کی براہ راست منتقلی سے چھوٹے کسانوں کو بہت فائدہ ہوا ہے۔” شہریوں کو اب یقین ہو گیا ہے کہ حکومت ان کا خیال رکھتی ہے، ہم نے گورننس کو ہیومن ٹچ دیا ہے۔

انہوں نے کہا، ’’ہندوستان نے دنیا کو دکھایا ہے کہ جمہوریت کیسے نتائج دے سکتی ہے۔‘‘ پی ایم مودی نے کہا کہ عالمی منڈیوں میں موجودہ اتھل پتھل کے باوجود ہندوستان کا معاشی اور بینکنگ نظام مضبوط ہے۔ انہوں نے کہا، "عالمی بحران کے درمیان، آج ہندوستان کا معاشی نظام مضبوط ہے، بینکنگ نظام مضبوط ہے۔ یہ ہمارے اداروں کی طاقت ہے۔”