مفکر اسلام حافط احادیث کثیرہ حضرت علامہ ابوالحقانی علیہ الرحمۃ کی ولادت ٢ دسمبر ١٩٥٦ء کو صوبہ بہار کے ضلع مدھوبنی میں ہندونیپال کی سرحد پر واقع مقام لوکہا میں ہوئی اور دیکھتے ہی دیکھتے بزرگوں کے فیضان کرم سے ایک عظیم داعی و مبلغ کی حیثیت سے پورے عالم پر چھا گئے اور پھر آپ کی ذات بابرکات سے نہ صرف ضلع مدھوبنی کو نئی شناخت حاصلِ ہوئی بلکہ صوبہ بہار بھی متعارف ہوا –
جود وسخا ایک ایسا عظیم وصف ہے جس کا ہونا ہر داعی ومبلغ کے اند ر اشد ضروری ہے ۔ اگر یوں کہا جائے کہ سخاوت ہماری معاشرتی زندگی کا ایک عظیم ستون ہے تو بے جا نہ ہوگا۔ یاد رکھیں! سخاوت کی ضد بخالت ہے۔ حدیث مبارکہ میں ہے۔ حضرت ابو ہریرہ رضی اللہ عنہ سے روایت ہے کہ نبی کریم ﷺ نے ارشاد فرمایا:‘‘ السخی قریب من اللہ قریب من الجنۃ قریب من الناس بعید من النار۔ والبخل بعید من اللہ بعید من الجنۃ بعید من الناس قریب من النار’’ترجمہ: سخی اللہ سے قریب ہے ، جنت سے قریب ہے ،