کسانوں کااحتجاج ہم سے کچھ کہہ رہاہے!
آج ہم اپنے ملک عزیز ہندوستان میں جس طرف بھی نظر اٹھا کر دیکھتے ہیں تو ہر طرف غریب، کمزور، لاچار، چاہے وہ پڑھے لکھے ہوں، یا ان پڑھ ہوں، عوام ہوں یا خواص ہوں، علماء ہوں یا ٹیچر ہوں، کسان ہوں نوجوان ہوں، ہر کوئی آج پریشان حال اور تنگدستی کی زندگی جینے پر مجبور ہیں، اور 2014 سے اب تک ہندوستان کا نقشہ اور ہندوستان میں رہنے بسنے والوں کے چہرے کا جغرافیہ ہی بدل گیا، اور آج ملک سماجی، سیاسی اور معاشی طور پر کھوکھلا ہوتا نظر آرہاہے، ذات پات، مذہب اور مذہب کے نام پر زہر گھول کرلوگوں کو ڈرانے دھمکانے کا کام کیا جارہا ہے۔