علم کا پہاڑ گر گیا
یعنی مصنف ”مجاہد ملت کا حرف حقانیت“موت کی آغوش میں!!
26اپریل 2021ء بروز دوشنبہ مجاہد ملت کی عظیم علمی یادگار ماہر ہفت لسان، مناظراہل سنت، شہنشاہ تدریس، بقیۃ السلف حضرت علامہ مفتی محمد عاشق الرحمن حبیبی اس دارالفنا کو چھوڑ کر دار البقا کی طرف کوچ کر گئے، واقعی آپ ع ــمدتوںرویاکریںگےجاموپیمانہتجھے۔
کے صحیح مصداق تھے، ایسا بھرا پُرا عالم دین صدیوں کے بعد ہی ملا کرتا ہے۔ حضور مجاہد ملت رئیس اعظم اڑیسہ علامہ شاہ حبیب الرحمٰن قادری ہاشمی علیہ الرحمۃ والرضوان کے علم کے سچے وارث، ان کی شان و شکوہ کے حامل اور ان کے فضل و کمال کے مخزن و محور تھےعلامہ عاشق الرحمن حبیبی ۔ آپ نے انھیں جیسا اور جتنا دیکھا کسی نے نہ دیکھا، حضور مجاہد ملت پر آپ نے جتنا لکھا کسی نے نہیں لکھا۔ جامعہ حبیبیہ الٰہ آباد کے شیخ الحدیث تھے اور اس کے امین و محافظ بھی، جب کہ یہ جامعہ مجاہد ملت کی یادگار ہے۔ سات زبانوں کے ماہر تھے عربی ادب اور فقہ و کلام پرکافی دستگاہ رکھتے تھے، ہر وقت علمی و تعلیمی کاموں میں اپنے آ پ کو مشغول کر رکھا تھا۔ زیادہ وقت گوشہ نشینی میں گزارتے اور تعلیم و مطالعے میں وقت کا تحفظ ایسا کرتے کہ کوئی ان سے سیکھے۔ غیر ضروری کاموں سے کوسوں دور رہتے، قرطاس و قلم اور تحقیق و جستجو ہی سے کام رکھتے۔ آپ کیا گئے کہ علم کا پہاڑ گر گیا۔ آسمان فضل و کمال زمین بوس ہوگیا۔ آپ کے جانے سے علمی دنیا سوگوار ہوگئی بزم حبیبی سونی ہوگئی فقہ و فتوے کا آفتاب گہنا گیا۔
سچ ہے۔
ہزاروں سال نرگس اپنی بے نوری پہ روتی ہے
بڑی مشکل سے ہوتا ہے چمن میں دیدہ ور پیدا
میں بار بار ان دنوں سوچ رہا تھا کہ الہ آباد کا سفر کروں اور آپ کی زیارت سے آنکھوں کو ٹھنڈک پہنچاؤں۔ مگر۔ اے بسا آرزو کہ خاک شدہ“ کی شکل سامنے آگئی۔ نکتہ رسی، سخن سنجی، معقولات و منقولات میں گہرائی کے گویا آپ امام تھے۔ تصلب فی الدین، توکل علی اللہ آپ کا شیوہ تھا۔آپ کیا گئے علم کا طنطنہ جاتا رہا، فکر و فن کا جاہ و جلال رخصت ہو گیا۔ اہل علم غم زدہ ہیں اور تلامذہ سوگوار اور دنیاے اہل سنت ماتم کناں ۔ آپ کی تصانیف عربی انگریزی اردو تینوں زبانوں میں علم و کمال کی منہ بولتی تصویریں ہیں، ” مجاہد ملت کا حرف حقانیت“ عربی اردو دونوں زبانوں میں ہے اور بڑی شاہکار تصنیف ہے۔یوں ہی مجاہد ملت کی سب سے ضخیم سوانح حیات ”مرد جوزاء“آپ ہی کے قلم کی یادگار ہے۔
خداے قادر و رحمٰن ،مرحوم کی دینی خدمات کو شرف قبول سے نوازے، ان کے علمی فیضان کو عام کرنے کی ہمیں توفیق بخشے، اور آپ کو کروٹ کروٹ جنت اعلیٰ میں بلند مقام دے۔
سو گوار و غم زدہ۔
محمد عبدالمبین نعمانی قادری
چریا کوٹ مئو یو پی
9838189592
الرضا نیٹورک کا اینڈرائید ایپ (Android App) پلے اسٹور پر بھی دستیاب !
الرضا نیٹورک کا موبائل ایپ کوگوگل پلے اسٹورسے ڈاؤن لوڈ کرنے کے لیے یہاں کلک کریں۔
الرضا نیٹورک کا واٹس ایپ گروپ جوائن کرنے کے لیے یہاں پر کلک کریں۔
الرضا نیٹورک کا فیس بک پیج لائک کرنے کے لیے یہاں کلک کریں۔
الرضا نیٹورک کا ٹیلی گرام گروپ جوائن کرنے کے لیے یہاں پر کلک کریں۔
الرضانیٹورک کا انسٹا گرام پیج فالوکرنے کے لیے یہاں کلک کریں۔
مزید پڑھیں: Views: 10 مغربی بنگال میں عوامی فلاحی اسکیمیں: ایک جائزہ محمد حفیظ الدین سکریٹری،گنجریا اتحاد ویلفیئر سو سائٹی hafiznoori1987@gmail.com 7866912957 مغربی بنگال کی موجودہ سیاسی و سماجی فضا میں عوامی فلاح و بہبود کے منصوبوں کو غیر معمولی اہمیت حاصل ہے۔ ریاستی حکومت نے گزشتہ چند برسوں میں جس انداز سے فلاحی اسکیموں کو … Read more Views: 11 بنگال میں ایس آئی آر : نشانے پر مسلمان! محمد حفیظ الدین سکریٹری،گنجریا اتحاد ویلفیئر سوسائٹی hafiznoori1987@gmail.com مغربی بنگال میں 2026 کے اسمبلی انتخابات سے قبل انتخابی فہرستوں کی خصوصی نظرِ ثانی (SIR) نے جمہوری عمل کی شفافیت اور غیر جانبداری پر ایک سنجیدہ سوالیہ نشان کھڑا کر دیا ہے۔ دستیاب اعداد و … Read more Views: 20 بے میل شادیاں! ___اب تک سنیما اور سیاست سے وابستہ افراد ہی بے میل شادیاں کرنے کے لیے بدنام تھے لیکن اب گلی کوچوں میں بے موسم بیل کی طرح اُگ آنے والے سوشل میڈیا انفلوئنسر (Influencer) بھی بین المذاہب شادیاں کرکے ماحول کو پراگندہ کرنے میں کوئی کسر نہیں چھوڑ رہے ہیں۔حالیہ … Read more Views: 19 نہ شور نہ ہنگامہ آرائی ایسی ہوتی ہے عید! تحریر: جاوید اختر بھارتی جہاں پوری دنیا میں عید الفطر کا تہوار منایا گیا وہیں تقریباً 25 کروڑ مسلمانوں نے بھارت میں اپنا تہوار منایا، کروڑوں مسلمانوں نے ملک بھر میں ایک ساتھ عید منائی، پورے ایک ماہ تک مسلمانوں نے روزہ رکھا، ذکر … Read more Views: 50 کیا مسلمانوں میں اتحاد کی گنجائش ہے؟ تحریر: جاوید اختر بھارتی اکثر و بیشتر یہ بات سننے میں آتی ہے اور کبھی کبھی اخباروں کے صفحات پر دیکھنے کو ملتا ہے کہ کوئی بیان دیتا ہے کہ مسلمانوں میں اتحاد کی ضرورت ہے۔ موجودہ دور میں مسلمانوں کے اندر اتحاد ہونا ہی سرخرو … Read more
مغربی بنگال میں عوامی فلاحی اسکیمیں: ایک جائزہ
بنگال میں ایس آئی آر : نشانے پر مسلمان!
بے میل شادیاں!
نہ شور نہ ہنگامہ آرائی ایسی ہوتی ہے عید!
کیا مسلمانوں میں اتحاد ممکن ہے؟ – فرقہ واریت اور اسلامی اتحاد کی حقیقت | جاوید اختر بھارتی