AL Raza Network Al-Raza International webpage
مرا قلم تو عدالت مرے ضمیر کی ہے
از مفتی خالد ایوب مصباحی شیرانی جے پور
باغ نعیمی کے خوشہ چینوں میں حضرت مولانا غلام مصطفی نعیمی کا نام نمایاں حیثیت کا حامل ہے۔ عمر کم ہے لیکن جس طرح مطالعہ، تجربہ اور فکر میں وسعت ہے، ویسے ہی تحریروں میں بھی بلا کی خوبصورتی رکھتے ہیں۔
کچھ عرصہ ہوا ہم دونوں کے بیچ ایک عقیدت مندانہ رشتے کو لے کر کچھ غلط فہمیاں پیدا ہو گئی تھیں لیکن جب تحریروں کی برکت سے غلط فہمیاں دور ہوئیں اور باہمی مزاج آشنائی ہوئی تو یہ پایا کہ نعیمی صاحب طبعاً نہ صرف یہ کہ کشادہ ظرف، علم دوست، کام پسند اور بالغ نظر ہیں بلکہ ان تمام خوبیوں کے ساتھ مسلک و ملت کے تئیں غیرت مندانہ وفادار بھی ہیں۔
حضرت صدر الافاضل علیہ الرحمہ سے غایت درجہ محبت کرتے ہیں اور اس محبت کو کئی قلمی شکلوں میں پیش بھی کر چکے ہیں۔ حضرت صدر الافاضل علیہ الرحمہ کے رسالہ السواد الاعظم کی نشأۃ ثانیہ کا فخریہ سہرا بھی ہزاروں نعیمیوں کے بیچ آپ کے سر ہے۔
عام طور پر فکری موضوعات کو روئے سخن بناتے ہیں اور جسے بنا لیتے ہیں، اسے دوستوں کی طرح نبھاتے ہیں۔ ہمارے عہد کا بھارت ایسے ہی فکر و نظر کو بالیدگی بخشنے والے مضامین کا عطر مجموعہ ہے، جو بجائے خود کسی بھی نو خیز کی بلند فکری کی ضمانت بن سکتا ہے۔
اس کتاب کی فہرست پر نظر ڈال کر اندازہ لگایا جا سکتا ہے کہ دو سال کے مختصر عرصے میں جس طرح نوجوان صاحب کتاب نے حالات کی سنگینیوں پر اپنے درد دروں کا اظہار کیا ہے، سوشل میڈیا کے ذریعے بر وقت ملت کی رہ نمائی فرمائی ہے اور سیاسی ہنگامہ خیزیوں سے بے فکر ہو کر اپنا قلمی احتجاج درج کروایا ہے، وہ تمام رنگ تقریباً وہی ہیں، جو ایک زمانے میں حضرت صدر الافاضل علیہ الرحمہ کے مضامین میں نظر آتے ہیں۔ یہ محض دوستانہ مراسم کے لحاظ پر مشتمل جملہ نہیں، ایک عملی سچائی ہے جسے کوئی بھی فرق مراتب کے ساتھ مقالات صدر الافاضل کا مطالعہ کر کے پرکھ سکتا ہے۔
سوشل میڈیا کے عہد میں وہ تحریریں زیادہ پڑھی جاتی ہیں جو بہت طول طویل نہ ہوں اور قاری کا ذوق ایسا ہی ہونا چاہیے۔ اس مجموعے کی خوبی یہ ہے کہ اس کی بیشتر تحریروں میں سوشل میڈیا کے آداب بھی ملحوظ ہیں اور قاری کے ذوق کا بھی مکمل خیال۔ مجھے نعیمی صاحب کی تحریروں میں جو بات سب سے زیادہ متاثر کرتی ہے، وہ ان کی جامعیت ہے۔ وہ موضوع کے کسی پہلو کو تشنہ نہیں چھوڑتے۔ اس بات کو پھر اس مجموعے میں بطور دلیل پرکھا جا سکتا ہے۔
اس جامعیت کے علاوہ ان کے ہاں اردو املا نویسی کے جدید فنی اصولوں کی جس طرح پاسداری ہوتی ہے اور جس طرح ان کی تقریباً ہر تحریر میں کچھ نئی، کچھ دل چسپ اور کچھ جدید تعبیریں دیکھنے کو ملتی ہیں، ایک بڑی تعداد کے یہاں رسمی تحریروں کے علاوہ یہ خوبیاں دیکھنے کو آنکھیں ترس ترس جاتی ہیں۔
تحریر و تقریر کی رسم پروریوں سے اوپر اٹھ کے دیکھا جائے تو شخصی طور پر بشمول نعیمی صاحب کے روشن مستقبل ٹیم کے ہر ممبر کی ایک مشترکہ خوبی یہ ہے کہ جیسے ان میں سے ہر ایک کی علمی اور عملی جولان گاہیں، قدرے جدا ہیں، بفضلہ تعالیٰ ان میں سے ہر ایک کے اندر دین و ملت کے تئیں درد مندی کوٹ کوٹ کر بھری ہوئی ہے۔ اب یہ بات راز نہیں رہی بلکہ خطبات جمعہ، مقالات اور ٹویٹر ٹرینڈنگ کے بعد ادھر پچھلے کچھ سالوں سے تو دنیا معترف ہونے لگی ہے۔ ہم لوگ سوشل میڈیا کے ذریعے نہ صرف ملی بلکہ بارہا ذاتی مسائل پر بھی باہم سایوں کی طرح مربوط رہتے ہیں۔ ظاہر ہے اس طویل ممارست اور اختلاط میں تصنع کے لیے کوئی جگہ نہیں ہو سکتی۔ ان تجربات کی روشنی میں ایمان کی کہیے تو مولانا نعیمی صاحب کے یہ رشحات قلم ایک درد مند کی کراہ، ایک مفکر کی تنبیہ، ایک دانش ور کی راہ نمائی اور ایک با ذوق صاحب قلم کے ذوق کی نشانیاں ہیں۔ ان خطوط راہ کو جو طالب جس نقطہ نظر سے دیکھے گا، مفید پائے گا۔
نعیمی صاحب کی تحریروں میں ایسی چاشنی رہتی ہے کہ گزشتہ دو سالوں کے دوران ان کی یہ جتنی تحریریں وقتا فوقتا سامنے آتی رہیں، اسی وقت مطالعہ ہوتا رہا اور بہت سی تحریروں پر فیس بک/ وہاٹس ایپ/ ٹویٹر کے ذریعے تاثر بھی دیا جاتا رہا، جن روایتی تاثرات کے اعادے کی یہاں حاجت نہیں۔
سوشل میڈیا کے ذریعے دنیا جہان میں پھیلے اور ایک دنیا کو اپنا گرویدہ بنانے والے ان منتشر شہ پاروں کو آج یکجا دیکھ کر بے پناہ مسرت ہو رہی ہے۔ امید ہے جن حضرات نے سوشل میڈیا سے دوری بنا رکھی ہے، یا جن کی بزرگی اس طرح کی جدت طرازیوں کی طرف دار نہیں، یہ مجموعہ ان اکابر اور اہل اللہ کے لیے بطور خاص سرمہ نظر بنے گا۔
ماضی قریب میں نعیمی صاحب کے بوڑھے قلم نے ایک خاص قسم کا رنگ تحریر اور اپنایا اور وہ یہ کہ انھوں نے الگ الگ تقریبات کی مناسبت سے اہل اللہ کے حالات پر اپنے خاص اور منفرد افسانوی لہجے میں رنگ آمیزیاں شروع کیں۔
جس طرح محض چند دنوں میں ان دونوں کتابوں نے فتوحات حاصل کی ہیں، ہمیں یقین کی حد تک امید ہو چلی ہے کہ ہمارے عہد کے بھارت کو ناپنے کا پیمانہ ہو، یا کسی کو اپنی گم کردہ منزلوں کا نشان چاہیے، ہر کسی کے لیے یہ کتابیں نعمت بے بہا اور نعیمی تحفہ ثابت ہوں گی۔ لگ رہا ہے اس سال کی مذہبی تحریروں میں قبول عام کا خاصا ریکارڈ ان تحریروں کے نام رہے گا۔ اللہ کرے یہ اندازے غلط نہ ہوں اور خدا توفیق دے کہ صدر الافاضل کی ان فیض باریوں کا سلسلہ اسی طرح دراز تر ہوتا جائے۔ آمین۔
نوٹ: کتاب حاصل کرنے کے لیے 9717285505 پر رابطہ کریں۔
الرضا نیٹورک کا اینڈرائید ایپ (Android App) پلے اسٹور پر بھی دستیاب !
الرضا نیٹورک کا موبائل ایپ کوگوگل پلے اسٹورسے ڈاؤن لوڈ کرنے کے لیے یہاں کلک کریں۔
الرضا نیٹورک کا واٹس ایپ گروپ جوائن کرنے کے لیے یہاں پر کلک کریں۔
الرضا نیٹورک کا فیس بک پیج لائک کرنے کے لیے یہاں کلک کریں۔
الرضا نیٹورک کا ٹیلی گرام گروپ جوائن کرنے کے لیے یہاں پر کلک کریں۔
الرضانیٹورک کا انسٹا گرام پیج فالوکرنے کے لیے یہاں کلک کریں۔
مزید پڑھیں: آسام میں سیلاب کی دردناک صوت حال ✍🏻— مزمل حسین علیمی آسامی ڈائریکٹر: علیمی اکیڈمی آسام( AAA) ملک کی سرحدی ریاست یعنی چائے، خام تیل، کوئلہ، دلکش پہاڑیوں ، قدرتی نظاروں، سرسبز وشاداب وادیوں، بل کھاتی ندیوں اور سکون کی سرزمین آسام اس وقت سیلاب کی آفتوں سے دوچار ہے۔ ریاست کے 29 اضلاع میں … نکاح کو آسان بنائیں!! ✍🏻 مزمل حسین علیمی آسامی ڈائریکٹر: علیمی اکیڈمی آسام رب تعالیٰ نے انسان کو بہترین تقویم، یعنی اشرف المخلوقات پیدا کیا ہے۔ انہیں ان بےشمار نعمتوں سے سرفراز فرمایا ہے، جنہیں عقل انسانی شمار کرنے سے قاصر ہے۔انہی نعمتوں میں ایک عظیم نعمت نکاح ہے۔ جس طرح انسانی زندگی بسر کرنے … اصلاح امت میں حیات جاودانی کا راز ✍️ مزمل حسین علیمی آسامی ڈائریکٹر : علیمی اکیڈمی آسام (AAA) ہم اگر عالم ہیں تو اصلاح امت کا فریضہ انجام دے رہے ہیں ؟یہ ایک ایسا سوال ہے، جسے ہم نے شاید ہی کبھی اپنی ذات سے کیا ہو۔ یہ سوال خود سے کرنا ہے، ہر ایک … کل رات ایک ایسا واقعہ ہوا جس نے زندگی کی کئی پہلوؤں کو چھو لیا۔ قریب شام کے7 بجےہونگے، موبائل کی گھنٹی بجی۔ فون اٹھایا تو ادھر سے رونے کی آواز۔۔۔ میں نے چپ کرایا اور پوچھا کہ بھابی جی آخر ہوا کیا؟؟ ادھر سے آواز آئی آپ کہاں ہیں؟ اور کتنی دیر میں آ … ہمیشہ چھوٹے ہی غلط نہیں ہوتے! احمدرضا صابری حدیث پاک حق کبیر الإخوة علی صغیرہم کحق الوالد علی ولدہ کے برعکس کئی باردونوں اپنی ذمہ داریاں اور ایک دوسرے کے حقوق پہچاننے سے چوک جاتے ہیں جہاں سے ناچاقیوں کا آغاز ہوتا ہے۔ بڑے بھائی کی قربانی اور چھوٹے بھائیوں کی بے وفائی کے قصے …
آسام میں سیلاب کی دردناک صوت حال
نکاح کو آسان بنائیں!!
اصلاح امت میں حیات جاودانی کا راز
ماں: اسکو مرنے سے پہلے نہ ماریں!
!!ہمیشہ چھوٹے ہی غلط نہیں ہوتے!
